Ĉu vi scias?
Ĉu vi scias, ke la 2-an de septembro 1969 oni unuan fojon provis Arpanet? Al tiu ĉi praavo de interreto ni povas danki, ke nun mi povas skribi ĉi valoran informon kaj vi povas legi ĝin!
Ĉu vi scias, ke la 1-an de septembro 1875 naskiĝis usona verkisto Edgar Rice Burroughs? Ĉu matena rigardo al spegulo donis al li ideon skribi romanon pri kunvivo kun simioj?
Ĉu vi scias, ke la 31-an de aŭgusto 161 naskiĝis romia imperiestro Komodo. Kiom stranga tempo, se peco de meblo povis fariĝi tiom grava en historio!
Ĉu vi scias, ke la 30-an de aŭgusto 1797 naskiĝis angla verkistino Mary Shelley? Kiom teruran infanecon ŝi devis havi, se ŝi poste kapablis skribi romanon Frankenŝtejno?
Ĉu vi scias, ke la 29-an de aŭgusto 2003 estis prezentita unua verzio de tujmesaĝilo kaj interreta telefono Skype? Telefonu al ĉiuj amikoj por provi, ĉu la sistemo bone funkcias!
Ĉu vi scias, ke la 28-an de aŭgusto estas Nokto de vespertoj? Sed Vespero de vespertoj sonus pli bele, ĉu ne?
Ĉu vi scias, ke la 27-an de aŭgusto 1953 estis premiero de usona komedia filmo Ferio en Romo? Kiom foje vi vidis la filmon? Ĉu tio sufiĉus por esti enskribita en Guinness-libron de rekordoj, kiu samtage ankaŭ festas naskiĝtagon?
Ĉu vi scias, ke la 26-an de aŭgusto 1740 naskiĝis franco Joseph-Michel Mongolfier, kiu inventis varmaerbalonon? Sed li inventis ankaŭ ŝafofrapan pumpilon! Kial damne li volis frapi tiom amindan beston?
Ĉu vi scias, ke 25-an de aŭgusto 1875 Matthew Webb fariĝis la unua homo, kiu transnaĝis la Manikan Markolon? Rigardu la bildon, ĉu vi kapablus tion ĉi fari dum dudek du horoj?
Ĉu vi scias, ke la 24-an de aŭgusto 1995 usona kompanio Microsoft komencis vendi oparciumon Windows 95? Ĉu estas inter vi ankoraŭ iu, kiu uzas ĝin?
