Aŭtora arĥivo

7. 7.

Ĉu vi scias, ke la 7-an de julio 2007 estis en Lisbono anoncitaj Novaj sep mirindaĵoj de la mondo? Damne, kial inter ili ne estas E-mental´?

2016-07-07 je la 0:06

6. 7.

Ĉu vi scias, ke la 6-an de julio 1885 Louis Pasteur sukcese testis vakcinon kontraŭ rabio? Ĉu ankaŭ vi dubas, ĉu via estro ne bezonus la vakcinon?

2016-07-06 je la 0:47

5. 7.

Ĉu vi scias, ke la 5-an de julio 1960 en tiama Ĉeĥoslovakio konstatis komunisma partio, ke estis sukcese finkonstruita socialismo? Kiom da homoj tio tiam vere rimarkis?

2016-07-05 je la 0:08

4. 7.

Ĉu vi scias, ke la 4-an de julio 1971 naskiĝis gorilino Koko, kiun oni instruis kompreni la anglan lingvon? Bedaŭrinda gorilino! Ĉu ne ekzistas pli facila lingvo por instrui ŝin?

2016-07-04 je la 0:04

3. 7.

Ĉu vi scias, ke 3-an de julio 1880 aperis la unua eldono de usona scienca revuo Science? Nuntempe ĝi havas unu milionon da regulaj legantoj! Ĉu nia paĝaro iam havos tiom da legantoj? Helpu al ni!!!

2016-07-03 je la 0:04

2. 7.

Ĉu vi scias, ke la 2-a de julio estas Monda Tago de Nifo? Rigardu ĉirkaŭ vi, ĉu ankaŭ al vi ŝajnas, ke kelkaj homoj venis de tute alia mondo? Do festu kun ili ilian tagon!

2016-07-02 je la 0:03

1. 7.

Ĉu vi scias, ke la 1-an de julio 2013 estis nenio en tiu ĉi rubriko? Kia hazardo, ke ankaŭ ĉi jare mi havas neniun ideno kion skribi!

2016-07-01 je la 0:52

Ĉu vi scias, ke la 30-a junio estas tago de Supersekundo? Tio estas la sekundo, kiu estas aldonita al la jaro por kunordigi la tempon de atomaj horloĝoj kun la tempo de la tero. Se do hodiaŭ tago ŝajnis al vi pli longa, estis tio nur ŝajno, ĉar ĉi jare la aldono de la sekundo ne okazas.