Aŭtora arĥivo

Ĉu vi scias, ke la 24-an de novembro 1642  nederlanda velisto Abel Tasman malkovris Tasmanion? Ĉu jam ne sufiĉis la nombro da manioj en la mondo?

Ĉu vi scias, ke la 23-an de novembro 1897 inventis Andrew Jackson Beard pintigilon? Rememoru, kiam vi lastfoje uzis ĝin! Aŭ vi jam naskiĝis kun fingroj sur klavaro kaj la krajonon vi neniam uzis?

Ĉu vi scias, ke la 22-an de novembro 1574 estis malkovrita ĉilia Insularo Juan Fernández? Kaj ĉu estas vero, ke sur unu el la insuloj vivis Robinson Crusoe?

Ĉu vi scias, ke la 21-an de novembro estas Monda tago de salutoj? Saluton, saluton, saluton, saluton, saluton, saluton, saluton, saluton, saluton, saluton, saluton, saluton, saluton……..

Ĉu vi scias, ke la 20-an de novembro 1873 estis kunigitaj du urboj en unu grandan. Ĉu vi scias, kia ĉefurbo tio estas?

Ĉu vi scias,  ke la 19-an de novembro estas Monda tago de necesejoj? Ĉu hodiaŭ ni  pli ofte vizitu ilin aŭ ni lasu ilin trankvile festi – ja unu tagon ni iel eltenos tion!

Ĉu vi scias, ke la 18-an de novembro 1928 la unuan fojon aperis en kinejo filmo pri Mickey Mouse? Kaj ĉu vi scias, pri kio la filmo estis?

Ĉu vi scias, ke la 17-an de novembro estas Internacia tago de studentoj? Ni, kiuj diligente ĉiutage studas la vivon, povas festi ĉiujare! (aŭ ĉiutage? )

Ĉu vi scias, ke la 16-an de novembro estas Internacia tago de la toleremo? Do hodiaŭ ni provu toleri, ke ne ĉiuj ankoraŭ emas paroli Esperante!

Ĉu vi scias, ke la 15-an de novembro 1977 estis premiero de la usona sciencfikcia filmo “Apudaj Renkontoj de la tria speco”? Ĉu la filmo pri Esperantistoj?