Aŭtora arĥivo
Ĉu vi scias, ke la 14-an de novembro estas Monda tago sen automobiloj? Surstrate tio aspektis, ke nur mi scias tion – aŭ ĉu vi tion ankaŭ rimarkis?
Ĉu vi scias, ke la 13-an de novembro 1990 aperis la unua retpaĝo? Kiom longe la mondo devis atendi, ĝis kiam aperos ĉi retpaĝo?
Ĉu vi scias, ke la 12-an d novembro 2004 aperis unuan fojon en gazeto Sudoko? Ĉu vi ŝatas solvi ĝin? Kaj ĉu vi kapablas solvi ĝin ankaŭ tiel rapide?
Ĉu vi scias, ke la 11-an de novembro 1493 naskiĝis germana kuracisto Paracelsus? Li diris, ke veneno diferencas de medikamento nur kvanto – rememoru lian diraĵon, kiam vi trinkas dekan botelon da biero!
Ĉu vi scias, ke la 10-an de novembro 1983 usonano Fred Cohen komencis batalon kontraŭ komputilaj virusoj? Eble estus pli bone komenci batalon kontraŭ la homa stulteco, ĉar ja estas pli bone kuraci kaŭzon ol indicon – sed tio verŝajne estus superflua batalo, ĉu?
Ĉu vi scias, ke la 9-an de novembro 1918 naskiĝis Čchö Hong-hui, kiu estis patro de Tekvondo? Se li estas patro, kiel devis aspekti patrino?
Ĉu vi scias, ke la 8-an de novembro 1793 estis malfermita Muzeo en Luvro? Pripensu,ĉu ankaŭ iu via bela artaĵo ne meritus pendi en la muzeo? Certe iun lokon ili trovus por vi – aŭ ili ja povas simple ion forĵeti!
Ĉu vi scias, ke la 7-an de novembro 1957 en Germanio oni komencis produkti personan aŭtomobilon Trabant? Ĉu vi iam veturis per ĉi ĉarma plastaĵo?
