Aŭtora arĥivo
Ĉu vi scias, ke la 13-an de majo 1717 naskiĝis imperiestrino Maria Therezia? Ŝi sukcesis naski dek ses infanojn kaj dume ŝi kapablis decidi pri ekonomio, politiko, edukiteco…….Kelkaj inoj kun malpli da idoj apenaŭ kapablas decidi kion kuiri por vespermanĝo.
Ĉu vi scias, ke la 12-an de majo 1820 naskiĝis angla flegistino Florence Nightingale? Ne estas certe, ĉu ŝi estis sambela kiel la urbo, laŭ kiu ŝi havis personan nomon kaj ĉu ŝi kantis sambone, kiel birdo, laŭ kiu ŝi havis familian nomon, sed estas certe, ke ŝi estis tiom kapabla flegistino, ke dank´ al ŝi ni hodiaŭ festas Internacian tagon de flegistinoj.
Ĉu vi scias, ke la 11-a de majo 1904 naskiĝis kataluna superrealisma artisto Salvator Dali? Li diris “Nur stultulo povas pensi, ke mi agas laŭ konsiloj, kiujn mi donas al aliaj”. Kaj vi?
Ĉu vi scias, ke la 10-an de majo 1508 Mikelanĝelo komencis pentri freskojn en Siksta Kapelo? Rigardu vian plafonon – ĉu ĝi ne meritus ankaŭ iun belan pentraĵon? Do ek al vendejo por aĉeti oleajn farbojn kaj ne hezitu montri vian talenton!
Ĉu vi scias, ke la 9-an de majo 1893 Thomas Alva Edison la unuan fojon montris kinetoskopon? Grava avantaĝo de la aparato estis, ke neniu povis ĝeni vin per stultaj komentoj pri enhavo de la filmo!
Ĉu vi scias, ke la 8-an de majo 1886 John Pemberton komencis vendi en Atlanta specon de ŝaŭma medikamento, kiu estis rekomendita por refreŝigi spiriton, kontraŭ kapdoloro kaj laceco kaj por resaniĝo post gripo. Ĉu vi scias, kiel nomiĝas la medikamento?
Ĉu vi scias, ke la 7-an de majo 1840 naskiĝis rusa komponisto Pjotr Iljič Ĉajkovskij? Kaj samtage sed en la jaro 1833 naskiĝis germana komponisto Johannes Brahms! Kaj en la jaro 1769 je la 7-an de majo naskiĝis itala komponisto Giuseppe Farinelli! Ĉu la sepa de majo estas tago por naski komponiston?
Ĉu vi scias, ke la 6-an de majo 1856 naskiĝis Sigmind Freud, psiĥiatriisto, fondinto de psiĥanalizo? De tiu tempo homoj komencis timi rakonti pri siaj sonĝoj……. Kaj pri kio vi hodiaŭ sonĝis?
Ĉu vi scias, ke la 5-an de majo 1998 estis fondita fama esperanta klubo E-mental´? Se vi dum tuta jaro ne festas, hodiaŭ certe festu! Tio ĉi estas la ĝusta kialo!!!!
Ĉu vi scias, ke la 4-a de majo estas Internacia Tago de fajrobrigadistoj? Do almenaŭ hodiaŭ vi ne ludu kun alumetoj!!!
