Ĉu vi scias?

Ĉu vi scias, ke la 16-an de septembro 1956 naskiĝis usona iluziisto David Copperfield? Li kapablis malaperigi Statuon de la libereco, iri tra la Granda ĉina muro, forkuri el enfalanta turdomego…… do restas nur lasta miraklo: esperantigi reston de la mondo!

Ĉu vi scias, ke la 15-an de septembro estas Nacia tago de Gvatemalo, Honduro, Kostariko, Nikaragvo kaj Salvadoro? Civitanoj de la landoj vigle festu kaj ni aliaj intertempe ripozos atendante Nacian tagon de niaj landoj!

Ĉu vi scias, ke la 14-an de septembro 1926 estis unuanfoje eldonita libro Winnie-la-Puxi? Ĉu ankaŭ vi iam volis fariĝi unu el la amikoj de la urseto?

Ĉu vi scias, ke la 13-a de septembro estas Internacia tago de ĉokolado kaj ankaŭ Tago de pozitiva pensado? Havante en buŝo peceton da bona ĉokolado oni ja ne povas pensi negative!

Ĉu vi scias, ke la 12-an de semptembro 1958 estis unuan fojon publike prezentita integra cirkvito? Ĉu ankaŭ ĉe vi oni nomas la inventaĵon blato?

Ĉu vi scias, ke la 11-a de septembro estas Tago de eŭropa heredaĵo? Kaj kiam finfine estos Tago de mia heredaĵo? Ĉu hazarde iu el vi ne estas mia aĝa riĉa onklo?

Ĉu vi scias, ke la 10-an de septembro 1993 elsendis stacio FOX unuan parton de la TV-serio Aktoj X?  Feliĉe Mulder kaj Scully ne estis sufiĉe atentemaj por ekscii, kiuj estas ĉi tie la plej gravaj eksterteranoj!

Ĉu vi scias, ke la 9-a de septembro estas Internacia tago de unua helpo? Do rapide malfermu iun saĝan libron kaj lernu, por ke via unua helpo, se ĝi estus necesa, ne estu la lasta.

Ĉu vi scias, ke la 8-a de septembro estas Internacia tago de Alfabetigo? Do ne  sidu ĉi tie kaj ne legu stultaĵojn! Iru instrui aliajn, por ke ankaŭ ili povu legi ilin!

Ĉu vi scias, ke la 7-an de septembro 1998 estis fondita entrepreno Google? Kiel ĝia unua kaj ĉefa celo estas serĉilo. Do kial ĝi ne helpis al mi, kiam mi perdis ŝlosilojn?