Vindotukoj

Dum E-mentala Kristnasko, kiu okazis de la 1-a ĝis la 2-a de decembro 2018, partoprenintoj ne nur amuziĝis.

Dum urboludo, kiu jam tradicie estas parto de la festa renkontiĝo, partoprenintoj ricevis taskon aĉeti vindotukojn por du knabinoj – Eva kaj Anabel – kies sorto ĝis nun ne estis tro feliĉa. Unu vivas kun panjo, kiu estas en tre malfacila vivsituacio, unu havas gravajn sanproblemojn.

Ĉiuj partoprenintoj de la urboludo senhezite plenumis la taskon kaj dank´al tio ricevos la knabinoj dum kristnaska kunveno, kiun organizas karitata organizo “Zajíček na koni”, vindotukojn por kelke da semajnoj.