Sukcesa “HELPU HELPI 2015”!!!

Jam okazis la dua aranĝo HELPU HELPI, dum kiu esperantistoj de E-mental´aĉetis brikojn por karita projekto Briko, kiu helpas konstrui labortrejnadcentron por handikapuloj, kiu kreskas rande de Prago.

Dum la unua aranĝo estis kolektitaj 21 brikoj.  Ĉi jare estis la sukceso pli granda!

 Ni kolektis monon por 33 brikoj!

La brikojn, kiujn oni aĉetas eblas laŭvole ornami…

…kaj poste meti ilin en la muron…

…kiu staras meze de Prago, en la strato, kie ĉiutage trairas ne nur lokuloj, sed ankaŭ amasoj da turistoj, kiuj admirante la muron fotas ĝin. Kun la muro ili nun ankaŭ fotas reklamon por Esperanto kaj do la reklamon oni povas vidi en diversaj mondopartoj.

Venu ankaŭ vi rigardi la muron, fari foton kaj sendi ĝin en la mondon!

– – – – – – – – – – – – – – – – – –

Grandan dankon al ĉiuj partoprenantoj, kiuj helpis surloke, dankon al ĉiuj donacantoj, kiuj subtenis nin.

Apartan dankon al eksterlandaj subtenantoj, kiuj ne hezitis sendi monon!!!