Kuro por “Paraple”

La 25-an de majo 2024 okazis en Prago jam la tradicia karitata evento Kuro por “Paraple” por helpi al handikapuloj kun paraplegio, kiun ankaŭ ĉi jare partoprenis membroj de la klubo E-mental’.

Krom la bunta kultura programo okazis simbola 100-metra kuro, kiun E-mentalanoj partoprenis portante grandan Esperanto-flagon.

Dum la evento oni ankaŭ anoncis la rezultojn de la konkurso Virtuala kuro por “Paraple”. Publike estis premiitaj ĉiuj la plej sukcesaj partoprenintoj de ĉiuj kategorioj. Inter ili estis ankaŭ membro de la teamo ESPERANTO Martin Vávra, kiu estis la plej bona piedmarŝanto.

La patrono de la evento estas Zdeněk Svěrák, kiu estas Honora membro de E-mental’. Li volonte lasis sin foti kun la grupo.